ავიცენა – ბათუმის სამედიცინო უნივერსიტეტის შიდა გრანტის ფარგლებში გამარჯვებულმა მკვლევარებმა 2025 წლის 4 ივნისს სამუშაო შეხვედრა გამართეს ინოვაციური მედიცინის საუნივერსიტეტო კლინიკის ექიმ-პედიატრებთან.
შეხვედრის მიზანი იყო კვლევითი პროექტის - „ALIVE: ალბენდაზოლით გამოწვეული ღვიძლის დაზიანება და გენეტიკური ვარიანტების შესწავლა“ - ფარგლებში გამოცდილების გაზიარება და პრაქტიკული მაგალითების განხილვა.
მონაწილეებმა განიხილეს ალბენდაზოლთან გაშუალებული ღვიძლის დაზიანების შემთხვევები და შესაძლო მექანიზმები. იმსჯელეს იმ სავარაუდო ფაქტორებზე, რომელთა მეშველობითაც შეიძლება აიხსნას მედიკამენტით გაშუალებული ღვიძლის არასპეციფიკური დაზიანება.