პოსტდიპლომური განათლება
უწყვეტი პროფესიული განვითარების ცენტრის საქმიანობის მიზანია უზრუნველყოს ყველა დაინტერესებული პირისთვის კვალიფიკაციის ამაღლების, უწყვეტი პროფესიული გადამზადების პროგრამების/სასწავლო კურსების შემუშავება და მთელი სიცოცხლის მანძილზე სწავლების პრინციპების განხორციელება, ამ მიმართულებით ადგილობრივი და საერთაშორისო ურთიერთობების განვითარება.
ცენტრის ფუნქციებია:
- ექიმების, უმცროსი სამედიცინო და აკადემიური პერსონალის მომზადება- გადამზადებისთვის მოკლევადიანი ტრენინგ-პროგრამების შემუშავება და განხორციელება;
- საზოგადოებასთან ურთიერთობისა და მარკეტინგის სამსახურთან ურთიერთთანამშრომლობით შრომის ბაზრის კვლევა, უწყვეტი პროფესიული განვითარების აქტუალურ მიმართულებების დასახვა და ცენტრის განვითარების გეგმასთან ერთად დასამტკიცებლად უნივერსიტეტის რექტორისთვის წარდგენა;
- უნივერსიტეტისა და მისი პერსონალის რესურსების, რეგიონული საჭიროებებისა და სამეცნიერო აქტუალობის გათვალისწინებით უწყვეტი პროფესიული განვითარების პროგრამების პრიორიტეტულ მიმართულებების შემუშავება;
- ცენტრის ინსტიტუციური განვითარების, პროფესიული მზადების ახალი პროგრამებისა და სასწავლო კურსების დანერგვის მიზნით, მჭიდრო თანამშრომლობა უნივერსიტეტის სხვა სტრუქტურულ ერთეულებთან, ასევე საერთაშორისო, სახელმწიფო, კერძო და არასამთავრობო ორგანიზაციებთან;
- სხვა ინსტიტუციებთან ერთობლივი პროფესიული განვითარების პროგრამების შემუშავება-დანერგვა-განხორციელების მიზნით მოლაპარაკებების წარმოება;
- უნივერსიტეტში უწყვეტი განათლების სისტემის დანერგვა, უპგ სისტემის განვითარებაში უნივერსიტეტის პერსონალის/სტუდენტების ჩართულობის უზრუნველყოფა;
- უნივერსიტეტის აკადემიური, სამედიცინო და არასამედიცინო პერსონალის საჭიროებების გათვალისწინებით, სპეციფიური პროგრამების შემუშავება, უნივერსიტეტის პერსონალის პროფესიული განვითარების უზრუნველყოფის მიზნით, სხვადასხვა სემინარების, ტრენინგების, სასწავლო და სასერტიფიკაციო კურსებისა და ვორქშოფების დანერგვა-განხორციელება;
- ფართო საზოგადოებისთვის უწყვეტი პროფესიული განვითარების პროგრამების/სასწავლო კურსების შემუშავება და განვითარება;
- უწყვეტი პროფესიული განვითარების პროგრამების განსახორციელებლად ტრენერების შერჩევა და მათი მოწვევის ინიცირება რექტორთან;
- პროგრამის დასრულების შემდეგ, რექტორის შესაბამისი სამართლებრივი აქტის საფუძველზე, მსმენელებზე პროგრამის/სასწავლო კურსის/ტრენინგის გავლის დამადასტურებელ დოკუმენტის - სერტიფიკატის დამზადებისა და გაცემის ორგანიზება;
- ცენტრის პროგრამების/სასწავლო კურსების პოპულარიზაციაზე ზრუნვა;
- უწყვეტი პროფესიული განვითარების პროგრამების აკრედიტაციის პროცესის ორგანიზება;
- უწყვეტი პროფესიული განვითარების პროგრამების/სასწავლო კურსების განხორციელების ხარისხის შეფასება;
- უნივერსიტეტის განვითარების სტრატეგიული და სამოქმედო გეგმების შემუშავებაში მონაწილეობა;
- უნივერსიტეტის სამართლებრივი აქტების მოდიფიცირების თაობაზე რეკომენდაციების გაცემა, კომპეტენციისა და ხელმისაწვდომი ინფორმაციის გათვალისწინებით;
- უნივერსიტეტის სამართლებრივი აქტებით განსაზღვრული სხვა უფლებამოსილებების განხორციელება.