2024 წლის 19 მარტს ავიცენა - ბათუმის სამედიცინო უნივერსიტეტსა და ივან ოჰიენკოს სახელობის კამიანეც-პოდილსკის ეროვნულ უნივერსიტეტს შორის ურთიერთთანამშრომლობის მემორანდუმი გაფორმდა.
აღნიშნული პარტნიორობა მიზნად ისახავს მეგობრული ურთიერთობის ხელშეწყობასა და ურთიერთ ინტერესების გაღრმავებას სამეცნიერო და აკადემიურ სფეროებში.
თანამშრომლობის ძირითადი სფეროებია:
ერთობლივი კვლევითი საქმიანობა: ერთობლივი კვლევითი პროექტები და ფაკულტეტისა და მკვლევართა წევრების გაცვლა.
ერთობლივი სასწავლო გეგმების შემუშავება: ორმაგი ხარისხისა და პროფესიული პროგრამების შეთავაზება ყოვლისმომცველი საგანმანათლებლო გამოცდილებისთვის.
გაცვლითი პროგრამების ამოქმედება სტუდენტებისთვის: სტუდენტთა გაცვლის ხელშეწყობა, ერთობლივი საგანმანათლებლო აქტივობები და კარგი კლინიკური პრაქტიკის გამოცდილების გაზიარება.
აკადემიური და სამეცნიერო აქტივობები: კონფერენციების, სემინარების, სიმპოზიუმებისა და კონგრესების ორგანიზება - ცოდნის გაზიარებისა და აკადემიური ზრდის ხელშეწყობისთვის.