2023 წლის 12 დეკემბერს, ავიცენა - ბათუმის სამედიცინო უნივერსიტეტსა და "კიევის მოჰილა აკადემიას" შორის ურთიერთთანამშრომლობის მემორანდუმი გაფორმდა.

მხარეთა შორის შეთანხმება მიზნად ისახავს განათლებისა და მეცნიერების სფეროში ურთიერთობების განვითარების ხელშეწყობას - ერთობლივი კვლევების განხორციელების, სტუდენტთა გაცვლითი პროგრამების განვითარების, ერთობლივი საგანმანათლებლო და სასწავლო აქტივობების ორგანიზებისა და დაგროვებული პრაქტიკული გამოცდილების გაზიარების გზით.