2022 წლის 9 ნოემბერს შპს ავიცენა - ბათუმის სამედიცინო უნივერსიტეტის რექტორმა, სოფიო ბერიძემ და ლვოვის დანილო ჰალიცკის სახელობის ეროვნული სამედიცინო უნივერსიტეტის რექტორმა, ბორის ზიმენკოვსკიმ ურთიერთთანამშრომლობის მემორანდუმს მოაწერეს ხელი.

მხარეთა შორის შეთანხმება მიზნად ისახავს განათლებისა და მეცნიერების სფეროში ურთიერთობების განვითარების ხელშეწყობას - ერთობლივი კვლევების განხორციელების, სტუდენტთა გაცვლითი პროგრამების განვითარებისა და ერთობლივი საგანმანათლებლო და სასწავლო აქტივობების ორგანიზების გზით.