AMSE აერთიანებს ევროპის სამედიცინო სკოლებსა და აკადემიურ ლიდერებს სამედიცინო განათლების, სამეცნიერო კვლევისა და ინსტიტუციური განვითარების მიმართულებით თანამშრომლობის ხელშეწყობის მიზნით. ასოციაცია ხელს უწყობს წევრ ინსტიტუციებს შორის გამოცდილებისა და ცოდნის გაზიარებას, ასევე საგანმანათლებლო, სამედიცინო და კვლევით ორგანიზაციებთან თანამშრომლობის გაღრმავებას.

AMSE-ში გაწევრიანება კიდევ ერთხელ უსვამს ხაზს ავიცენა - ბათუმის სამედიცინო უნივერსიტეტის ერთგულებას ევროპულ სტანდარტებზე დაფუძნებული ხარისხიანი სამედიცინო განათლების, აკადემიური განვითარების, სამედიცინო მეცნიერებების პროგრესისა და საერთაშორისო პარტნიორობების გაძლიერების მიმართ.

აღნიშნული წევრობა უნივერსიტეტს შესაძლებლობას მისცემს მონაწილეობა მიიღოს პროფესიულ კონფერენციებში, აკადემიურ დისკუსიებსა და თანამშრომლობით ინიციატივებში, რომლებიც სამედიცინო განათლების განვითარებას, ჯანდაცვის თანამედროვე გამოწვევებსა და სამედიცინო დაწესებულებების ეფექტიან მართვას ეხება.

ABMU შეგიძლიათ იხილოთ AMSE-ის ოფიციალურ წევრთა სიაში: https://amse-med.eu/members-and-membership/members/