2023 წლის 16 ოქტომბერს ავიცენა - ბათუმის სამედიცინო უნივერსიტეტის აკადემიურსა და მოწვეულ პერსონალს დიდი ბრიტანეთის საუთჰემპტონის უნივერსიტეტის სამედიცინო განათლების ემერიტუს - პროფესორმა, ქრისტოფერ სტივენსმა ჩაუტარა ტრენინგი თემაზე: თანამედროვე გამოწვევები სამედიცინო განათლებაში.
უნდა აღინიშნოს, რომ ქრისტოფერ სტივენსი ავიცენა - ბათუმის სამედიცინო უნივერსიტეტის მედიცინის ერთსაფეხურიანი საგანმანათლებლო პროგრამის - ,,დიპლომირებული მედიკოსის“ გარე შემფასებელიცაა. მის მიერ გაცემული ღირებული რჩევები და რეკომენდაციები გათვალისწინებული იქნა პროგრამის შემდგომი განვითარებისა და გაუმჯობესებისათვის.
უნივერსიტეტი, სამედიცინო განათლების საერთაშორისო ექსპერტთან, პროფესორ სტივენსთან გრძელვადიან თანამშრომლობას გეგმავს.