ავიცენა - ბათუმის სამედიცინო უნივერსიტეტი - Erasmus+ მოკლევადიანი აკადემიური მობილობა Lucian Blaga University of Sibiu-ში.

სიახლეები რექტორის მიმართვა უნივერსიტეტის შესახებ მისია და სტრატეგიული განვითარების ხედვა სტრუქტურა უნივერსიტეტის მართვა აკადემიური გუნდი ხარისხის უზრუნველყოფა აღიარება იურიდიული ცნობარი გალერეა ღონისძიებები

9 ოქტ

Erasmus+ მოკლევადიანი აკადემიური მობილობა Lucian Blaga University of Sibiu-ში.

ავიცენა - ბათუმის სამედიცინო უნივერსიტეტი აცხადებს Erasmus+ სრულად დაფინანსებულ კონკურსს აკადემიური პერსონალის მოკლევადიანი მობილობისთვის.

მობილობა განხორციელდება Lucian Blaga University of Sibiu (რუმინეთი) 2025-2026 აკადემიური წლის გაზაფხულის სემესტრში.

კონკურსში მონაწილეობის მიღება შეუძლია ავიცენას მედიცინის სკოლის აკადემიურ პერსონალს.

მობილობის პერიოდი: 7 დღე (2 დღე მოგზაურობისთვის)

Erasmus+ გრანტი: 1345 ევრო

ადგილების რაოდენობა: 1

დოკუმენტაციის მიღების ბოლო ვადა: 2025 წლის 7 ნოემბერი

მობილობის ზუსტი პერიოდი და სალექციო თემატიკა განისაზღვრება მასპინძელი უნივერსიტეტისა და შერჩეული კანდიდატის შეთანხმების საფუძველზე.

მობილობა გაგრძელდება ერთი კვირა, საიდანაც ხუთი დღე დაეთმობა ლექციებსა და სამუშაო შეხვედრებს, ხოლო ორი დღე განკუთვნილია მგზავრობისთვის.

კანდიდატის შერჩევა და წარდგენა მასპინძელი უნივერსიტეტისთვის ხორციელდება ავიცენა - ბათუმის სამედიცინო უნივერსიტეტის მიერ, ხოლო მობილობის საბოლოო დადასტურება ხდება მასპინძელი უნივერსიტეტის მხრიდან.

წარმოსადგენი დოკუმენტაცია:

სააპლიკაციო ფორმა (ბმულზე გადასვლის შემდგომ, ჩამოტვირთეთ და შევსებული ატვირთეთ სარეგისტრაციო ბმულზე)

საერთაშორისო პასპორტის ასლი

Europass რეზიუმე (CV)

ინგლისური ენის მინიმუმ B2 დონის ცოდნის დამადასტურებელი დოკუმენტი (აკადემიური პირი უნდა აკმაყოფილებდეს ქვემოთ ჩამოთვლილთაგან ერთ-ერთს):

საერთაშორისო სერტიფიკატი (IELTS, TOEFL, Cambridge English, UNIcert®, EnglishScore, etc.)
ინგლისური ენის B2 დონის ტესტის ჩაბარების შესახებ ცნობა (უნივერსიტეტიდან);
ინგლისურ ენაზე სწავლების მინიმუმ 2 წლიანი გამოცდილების ცნობა (უნივერსიტეტიდან);

პროგრამაში მონაწილეობისთვის, გთხოვთ გაიაროთ რეგისტრაცია მითითებულ ბმულზე: https://forms.gle/kUtqMpaK9YvcxYq66

შერჩევის კრიტერიუმები:

აკადემიური პერსონალის შეფასების რეიტინგი;
მოტივაცია (ფასდება სააპლიკაციო ფორმაში მითითებული ინფორმაციით);
კვლევითი საქმიანობა (საერთაშორისო კონფერენციებზე მონაწილეობა, გამოქვეყნებული სტატიები, ან სხვა განხორციელებული აკადემიური აქტივობები);

შეფასებას ახორციელებს ავიცენას შესარჩევი კომისია წარმოდგენილი დოკუმენტაციისა და ზემოთ ჩამოთვლილი კრიტერიუმების საფუძველზე.

უპირატესობა მიენიჭებათ ავიცენასთან აფილირებულ აკადემიურ პერსონალს, შეზღუდული შესაძლებლობების მქონე პირებსა და კონკურსის მონაწილეს რომელსაც არ აქვს მონაწილეობის გამოცდილება Erasmus+ პროგრამაში.

დამატებითი ინფორმაციისთვის გთხოვთ, დაეკონტაქტოთ საერთაშორისო ურთიერთობებისა და სტრატეგიული დაგეგმარების სამსახურს: ir@abmu.edu.ge