ავიცენა - ბათუმის სამედიცინო უნივერსიტეტის ასოცირებულმა პროფესორმა, ჟუჟუნა გუმბარიძემ მონაწილეობა მიიღო 10-12 ნოემბერს, ილიას სახელმწიფო უნივერსიტეტში გამართულ პირველ საერთაშორისო კონფერენციაში - „ლექსიკოგრაფია 21 - ე საუკუნეში“. კონფერენციაში მონაწილეობდნენ მეცნიერები მსოფლიოს სხვადასხვა ქვეყნიდან: დანია, ავსტრია, უნგრეთი, აშშ, საფრანგეთი, იტალია, ესპანეთი, პორტუგალია, მექსიკა, გერმანია, ლატვია, სლოვენია, ინდოეთი, სომხეთი და სხვა. კონფერენციის მიზანი საქართველოში თანამედროვე ლექსიკოგრაფიის აქტუალურ საკითხებზე სამსჯელოდ ფორუმის შექმნა იყო. კონფერენციის ერთ - ერთ მხარდამჭერს ავიცენა - ბათუმის სამედიცინო უნივერსიტეტი წარმოადგენდა.