2022 წლის 11 ნოემბერს, შპს ავიცენა - ბათუმის სამედიცინო უნივერსიტეტის რექტორმა, სოფიო ბერიძემ და სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილემ მეცნიერებათა დარგში, პაატა იმნაძემ ურთიერთთანამშრომლობის მემორანდუმს მოაწერეს ხელი.
მხარეთა შორის შეთანხმება ითვალისწინებს: საგანმანათლებლო, სამეცნიერო - კვლევითი და სიახლის დანერგვის ხელშემწყობი ღონისძიებების კოორდინირებულად განხორციელებასა და სტაჟირების, დასაქმებისა და პროფესიული უნარების განვითარების შესაძლებლობის მოძიებაში სტუდენტთა ხელშეწყობას.